مرحبا ً بكـ يا زائر فى منتديات هم هم نتمنى لك قضاء اجمل الاوقات معنا

 
الرئيسيةمكتبة الصورس .و .جبحـثالتسجيلدخول
لجميع الاعضاء و الضيوف والزائرين ..مرحبا بكم أفرادا جددا في أسرتنا الكبيرة ....فلا تنسوا أن تسجلوا وبعد أن تقوموا بجولة بين حنايا صفحاتنا.. ندعوكم للمشاركة معنا في هذا الملتقى الجميل منتديات هم هم فور يو وإذا كنت لا تستطيع الإحساس بقيمة عملك كمبدع بيننا, فهل تعجز عن الشعور بقيمة وجودك كإنسان فياترى هل تتمنى ان يكون لاسمك بيننا وجود؟؟؟

شاطر | 
 

 كل يوم زى اللى قبلة احباط و................

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
البرفسير
مالك ومؤسس هم هم
مالك ومؤسس هم هم


الجنسيه : الشرقية
المشاركات : 4904
العمر : 26
التعليم : جامعي
تاريخ الانتساب : 07/08/2008
نقاط : 8907

مُساهمةموضوع: كل يوم زى اللى قبلة احباط و................   الأحد 15 فبراير 2009 - 11:48

كل يوم زى اللى قبلة احباط و................
.
بسم الله الرحمن الرحيم







السلام عليكم ورحمه الله وبركاته



***



*النهارده زي بكره زي بعده وكل يوم*




كفايه الاحباط اللي احنا عايشينه



احباااااااط؟؟!!



لالالالالالا



الكلمه دي مستفزه جدا جدا جدا



*طيب نعمل ايه ماهو مفيش حاجه نعملها ؟!!



بسيطه جدا جدا بس انتى اسمعى الكلام



انا عندي العلاج



*طيب قولي وانا معاكي..



ايه هو العلاج؟!



وبما ان الكلام فيه كلام تعالوا نبتدي صفحه جديده..



ونكتب روشته جديده..



***



ازاي تجددى حياتك



اعملى ريفريش لايامك



رستىر عقلك واحلامك



وتعالي وانا اسمعك كلامك



***



روشته لعلاج الاحباط



***



ولكن اولا اوعديني انك تخلصى النيه لله وانك تؤمنى بشفائه اكتر من اي روشته في العالم



***



1-اول حاجه هاتى قلم وورقه بس خدى بالك لو هتبقي صريحةهاتى كراسه ولو هتبقي صريحة قوي هاتى كشكول ولو هتبقي صريحة قوي قوي قوي خدى بعضك ومتكمليش وانصحك تنامى



2-ااقعدى مع نفسك في مكان لوحدك اضاءه خافته ولو بتخافى ابقي افتحى الشباك وخلصينا واسترخي وكل اللي انت عايزاة تقوليه اكتيبه



اكتيبه كله.. كله



هي الورقه هتفتن علييكي؟!..



ولو خلص القلم تعالي وانا اسلفك وكمان القلم مش هيفتن عليكي اطمني..



اكتبي كل حاجه واي حاجه وخدي بالك الصراحه اهم خطوه في خطوات العلاج..



3- بصي في الورقه .. ولو في مرايه بصي في المرايه



اتامل الورقه ..واتامل نفسك..



ياتري هو اللي في الورقه ده انا؟؟!!



اللي في الورقه حزينة زعلانة..



واللي انا شاياهاه دلوقتي ساكتة وحيرانة..



4-متقوليش عليا مجنونه لو قلتلك حاولي توصلي لدرجه الحزن اللي في الورقه



استني استني انتي رايحة فين ..



عارفه انك مش ناقصة منا مش هسيبك كده ميخلصنيش..



هنفترض انك وصلتي للحزن اللي في الورقه..



وجواكي شحنه غضب كمان اكتر من المكتوب..



طيب وبعدين..



5- اسالي نفسك ياتري انا ممكن اعيش عمر غير اللي انا عايشه؟



يعني الحزن اللي انا فيه والغضب ده هيخلوني اعيش عمر تاني؟!



*انتي بتهزري ده انا حاسس ان انا عمري كبر 100 سنه وشويه وهودع..



عارفه ليه لانك مش فاهمة حاجه



*أنا؟!



ايوه انت لانك لازم تعرفي ان الايام اللي جايه هتعيشها بحلوها ومرها



لانها قدر



فان كان ممكن تغيرها انت ممكن تخليها احلي بارادتك



انما لو كنتي هتختاري الحزن والغضب اللي انتي فيه ده



تأكدي انها مش هتتغير سم واحد تجاه الافضل..



اذا آمن العبد بربه



آمن انه بالدعاء والايمان بيديه ان يغير القدر



فما حزن وما يأس



فاهمة ولا اقول كمان؟!



*فاهمة يا ستي فاهمة



6-دلوقتي قطعي الورقه..



*يووووووووه .. ده انتي رايقه بقي اكتب وقطع



معلش معلش هديكي انا حق المواصلات



قطعيها وهاتي ورقه تانيه..



اكتبي فيها هدف كبير قوي في حياتك ..



هدف كتبتيه في الورقه القديمه



بس شخبطت عليه الظروف وخلته من غير ملامح



اكتيبه المره دي بلا ظروف



7-اشتغلي وشوفي حياتك ماشيه ازاي بس اوعي تنسي حلمك..



عيشي علشانه..



حبه زي ما يكون بين ايديك



تيقن ان ربنا كرمه كبير جدا قادر ينولك حلمك طالما وثقت فيه ..



اسعي لو حتي حلمك اخر المشوار..



بس..



توقع السيء



ولكن..



اذا حصل السيء



متقفيش تبكي علي اللي فات..



حاولي تنقذي اللي باقي من هدفك..



حاولي تلحقيه علشان حتي تكون حققتي جزء من حلمك



8- فكري شويه



*ياااااااه انتي خلتيني فكرت كتير



معلش اتعبي علشان نفسك



فكري لو هتزعل فكري لو هتيأسي هو ده الحل



فكري هل سكوتك وانك تتخلي عن حلمك هو ده الحل؟!



تفتكري لو كان الناس بعد عباس بن فرناس يأسوا من انهم يطيروا وخافوا علي نفسهم كان زمانك شوفت الطياره والهليكوبتر



تفتكري؟!



9- كده بقي يبقي انت طلعت من مرحله الحزن



عارفة لو لسه حزينة



تيقني انك منفذتيش الوعد اللي وعدتهولي في الاول..



10- وهنا ادركت شهرزاد النهار



فسكتت عن الكلام الباح



ونكمل الروشته يوم تاني



*تاني ايه بس ما خلاص هو انت لسه مقتنعتش ولا ايه؟!!



***



الهدف من الكلام مش تطبيق عملي



الهدف من الكلام اني اوريكي قد ايه وانت حزينة بتناقدي نفسك وبتناقدي انسانيتك وايمانك



انا بتكلم عن تجربه شخصيه مش كلام علي ورق



انا مبحبش ابقي غبيه "سوري في اللفظ"



علشان كده لما ببقي حزينه ومحبطه بقول لنفسي كلمتين بس



لو الحزن هيرجعلي حاجه راحت او هيحققلي اللي اناعايزاه انا مستعده افضل حزينه ومحبطه طول العمر



بس بلاقيه مبيعملش شيء غير ان الصحه بتقل والمزاج بيبقي تحت الصفر



وكمان مبيبقاش عندي استعداد ان بكره ييجي



فبختار الصح وبقول الحمد لله



وشويه وبلاقي جوايا تحدي للواقع



وبلاقيني من محبطه لواحده مستعده تعمل اي شيء.. اي شيء علشان تغير حياتها..



تأكد ان لو الدنيا كلها .. كلها اسودت الاحباط والحزن مش حل



بالعكس ده دول اللون الاسود اللي بيزود الهم هم ..



ويارب يكون الكلام وصلكوا


واوعوووا تنسوا تقييموا الموضوع

_________________

ليس المنتدى بكثرة اعضائه ولكن بترابطهم كالاسرة الواحدة


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كل يوم زى اللى قبلة احباط و................
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أهــــلاً ومــرحــبــاً بــكــم فــي مــنــتــديــات همّـ همّـ فور يو :: ™°·.¸¸.·°°®» اقسام شباب وبنات «®°°·.¸¸.·°™ :: ۩ تحليل شخصيتك وتطوير الذات ۩-
انتقل الى: