للشباب والبنات مش هتندموا صدقونى؟

السلام عليكم ورحمة اللة وبركاتة

واللة الموضوع دة حبيت اعرضة بجد على الشباب والبنات الى فى المنتدى باعتبارهم شباب زيى احنا عايزين نتكلم فى كل مواضيع الشباب الى بنعملها ولازم نبطلها

اولا موضوع الصلاة معظم الشباب مبيصليش ولا بيفكر اساسا فى حاجة اسمها صلاة والبنات دى عموما فية ناس الا ما رحم ربى بيعتبرو ان الصلاة مش مكتوبة عليهم اساسا

لو جينا بصينا انا كل الشيوخ تعبم خلاص من كتر ما اوعظونا فى الموضوع دة يعنى انتة لو جيت حسبتها كل صلاة جماعة فى الجامع الى بيطول هية خمس سبع دقايق بالضبط يعنى كل الصلوات 5*7 يساوى 30 دقيقة مستخسر فى ربنا نصف ساعة فى اليوم عبادة وكمان اية مش متواصلة دى متقطعة تخيل نفسك واقف قدام ربنا وبيقلك انتة يوم كذا وكذا كنت بتعمل اية مدخلتش تصلى لية تخيل انتة هترد تقول اية دة ربنا لو نظر ليك نظرة غضب ممكن يقع لحم وشك فصلى واللة ما هتاخد منك وقت ولا اى شئ صلى صلى صلى سيب الكورة وروح صلى سيب الماتش واللة ما هينفعك وروح صلى وسيب البنت الى معاك وروح صلى سيب المذاكرة وروح صلى

اتق اللة حيثما كنت واعرف ان فية رقيب عليك

ثانيا موضوع قراءة القران فية شباب وبنات بقالهم سنين ممسكوش المصحف وهاجرينة خالص واللة العظيم ممكن يكونو ما يعرفو مكان المصحف فين في البيت ولو فى حجرتهم تلاقية علية تراب ومش معظم خالص لو خصصت ليك كل يوم قبل ماتنام خمس دقايق قراءة فى المصحف بس واللة مش هيحصل حاجة دة الحرف بحسنة والحسنة بعشرة امثالها واللة يضاعف لمن يشاء

ثالثا موضوع الاقتداء بالمغنين والغرب الاقى معظم الشباب والبنات مقتديين بتسريحة عمرو دياب وتامر ودى مقتدية بنانسى وهيفاء وانجلينا وكريستينا واللة الرسول قال فيما معناة من احب قوم حشر معهم دول كلهم حياتهم جحيم فى جحيم غنى وعرى وبنات وفسق وخمر والى انتم فاكرينة تامر حسنى دة الى عشقاة البنت دة فى بنات زمايلى اما اتكلم علية كدة يقولو ليا انا بغير منة تعرفو ان الى بيعملة دة كلة طفرة اعلامية الى هوة انا زى الشباب وبصلى وبقرا قران تعالو شوفو كواليس فيلم كابتن هيما ولا عمر وسلمى وعمرو دياب عايش فى لندن ميعرفش اساسا اية الى بيحصل فى البلد هنا وانتم فاكرين ان هما بيحبونا وبيعملونا دة احنا الى عملنهم بفلوسنا هة والى بيقلد الغرب فى التسريحة الشعر القرف المنكوش دة احب اقلة من احب قوم حشر معهم

رابعا موضوع الشباب مش البنات الى على طول يضحكو على بنات الى هوة معيشها فى دور حب وهوة مفيش حاجة من ناحيتة لغاية ما يجى الموضوع وتقع الطوبة فى المعطوبة ويجى ساعتها تكلمة يقلها معرفكيش احب اقول للشباب دول حرام عليكم متنسوش ان ليكم اخوات بنات هتقلى مليش وهتقلى امى ميتة اما تتجوز ممكن ربنا يرزقك ببنت مخصوص عشان يتعمل فيها كدة كما تدين تدان ولو بعد حين احمد ربنا على النعمة الى فى اديك وان فية واحدة بتحبك وشلها فوق دماغك مش قادر تحبها قلها كل شئ نصيب وابعدها عنك وخلاص لكن متضحكش عليها واعرف انك مش بتضحك عليها انتة بتضحك على نفسك واوعى تفتكر ان فية حد يعرف يضحك على ربنا

خامسا ابعد عن كل شيطان رجيم وابعد عن العمل الى مش اخلاقى الى هوة شرب مخدرات بنات الليل وخاف ربك يا اخى وتخيل نفسك مت وانتة بتعمل حاجة من دى مهوة من مات على شئ بعث علية تخيل لو انتة بعثت قدام ربنا وانتة بتعمل حاجة غلط ساعتها هتقول لربك اية موقف صعب صح

سادسا للبنات اتق اللة حيثما كنت واعرفى انتى بتقولى اية فى مكان واعرفى نفسك انتى واقفة مع مين من الولاد وخافى على نفسك واحترسى من شياطين الانس

سابعا الشباب حرام عليكم وبلاش تعاكسو بنات فى كل حتة اعتبرها اختك ولا بنتك ولا مراتك ولا امك يعنى بنت ماشية فى الشارع ويتقال ليها لفظ بذى فاكيد الانسان الى بيعاكس دة شخص متخلف وبذئ برضة

ثامنا كنت عايز اقول حاجة تخيل لو الرسول صلى اللة علية وسلم جالك على باب الشقة خبط عليك بتبص من العين السحرية لقيتة الرسول هتقفل المواقع الاباحية الى انتة منشغلها ولا هتقفل الاغانى ولا هتجرى ترمى السيجارة ولا هتعمل اية فى دخان السجاير ولا ولا ولا ولا ولا ولا.............................................. ارمى نفسك من البلكونة

تاسعا ياريت يا جماعة نتقى ربنا فى حياتنا وربنا يعينى ويعينكم على استماع النصيحة

يله اشوفكم بخير بقى

انا معاك ياباشا فى كل شئ وربنا يتقبل منا صالح اعمالنا ويبعد عنا الشيطان
اللهم انى اعوذ بك من الهم والحزن واعوز بك من العجز والكسل واعوز بك من غلبة الدين وقهر الرجال

الله ماارحمنا فانت بنا راحم ولا تعزبنا بزنوبنا فانت علينا قادر

امين امين يارب العالمين

بس ياباشا الكلمه دى
وسيب البنت الى معاك وروح صلى
اظن انة استحاله استحاله استحاله يسيب البنت ويروح يصلى
ربنا يهدى كل شاب وكل فتاه

وشكرا على الموضوع